Office 365 e Azure a disposición das empresas R
admin
- 2018-03-16
3 min
R acaba de asinar unha alianza estratéxica co xigante Microsoft. O obxectivo principal deste acordo é promover, aínda máis, a transformación dixital das empresas R.
Microsoft conta coas solucións tecnolóxicas máis avanzadas e con servizos que farán que o teu traballo na oficina sexa moito máis produtivo, competitivo e rápido.
O produto Office 365 inclúe un paquete ofimático moi avanzado e ademais ofrece un sistema de comunicación por videoconferencia e almacenamento na nube. Xa non terás desculpa para traballar desde calquera lugar do mundo, aínda que non teñas o ordenador contigo, xa que o Office 365 poderalo instalar en cinco dispositivos distintos.
Por outra banda, Azure ofréceche a posibilidade de aloxar a túa información nun datacenter próximo á túa empresa. E completa o seu servizo principal con aloxamento na nube e novas aplicacións.
Para saber máis sobre estes novos produtos falamos con David del Campo López, responsable de Márketing Corporativo Grandes Contas. Explícanos detalladamente en que consiste este acordo e as vantaxes que poderán gozar as empresas R.
– Por que se elixiu a Microsoft para ofrecer estes dous produtos?
Dende R entendemos que Microsoft é un aliado de referencia mundial en todo o que ten que ver coa transformación dixital dos negocios, ofrecendo ferramentas e solucións que facilitan a evolución da nosa forma de traballo e a das nosas empresas.
Nós estámonos transformando con eles, e esa experiencia queremos ofrecerlla aos nosos clientes.
“…trátase dunha proposta dirixida a todo o mercado de empresa.”
– Ademais de fomentar o avance tecnolóxico e mellorar a produtividade das empresas R, que valor engadido achegaralles Azure?
Azure permítenos trasladar dunha maneira flexible a experiencia de datacenter próximo alá onde se atope a empresa facendo uso dos centros de datos que os cloud públicos teñen ao longo do planeta.
Ademais permítenos completar o noso catálogo de produtos de datacenter con todo o ecosistema de solucións SaaS e PaaS que Azure ofrece, e poderemos responder aos requirimentos de elasticidade e escalabilidade rápida de infraestrutura cando o precisen os nosos clientes.
Como valor engadido, e cando o cliente o necesite , dende R e grazas á rede de fibra ofrecemos a posibilidade de conectar directamente a rede privada do cliente cos seus servizos de Azure a través de circuítos punto a punto privados que ofrecen niveis óptimos de prestacións.
– E Office 365?
Office 365 é a nosa proposta comercial que permite evolucionar aos nosos clientes desde un posto de traballo tradicional a unha versión enriquecida de produtividade, ofimática, videoconferencia,… e todo iso baixo un modelo de funcionamento cloud.
Todo iso cun servizo de soporte especializado R desde onde se atenderán as cuestións relativas á configuración e usos destas ferramentas.
– Estes produtos están dirixidos a empresas, pero a que tipo de empresas? Unha peme ou negocio pódese beneficiar das súas vantaxes?
Efectivamente, trátase dunha proposta dirixida a todo o mercado de empresa.
“Os nosos clientes terán dende R todo o soporte técnico necesario e en galego.”
– Grazas a esta alianza, pódese dicir que un cliente de Galicia ten acceso ás mellores solucións cloud?
Así é! Con esta alianza un cliente de R pode estar seguro de dispoñer dunha solución diferencial de datacenter que lle permite estender a contorna de alta capacidade, baixa latencia e seguridade que xa dispón co noso datacenter local.
– Ambos os produtos ofrecen soporte técnico, quen se encarga de realizalo, Microsoft ou R? Está dispoñible galego?
Os nosos clientes terán dende R de todo o soporte técnico necesario e en galego.
“A competitividade dunha empresa está moi relacionada coa súa capacidade para adaptarse e aproveitar as oportunidades da dixitalización.”
– Por que é tan importante a transformación dixital para unha empresa?
A competitividade dunha empresa hoxe en día está moi relacionada coa súa capacidade para adaptarse e aproveitar as oportunidades que a dixitalización está a provocar nas nosas formas de traballo e os nosos negocios
As empresas entenderon perfectamente esta mensaxe e están a aproveitar ao máximo esta oportunidade.
Nós dende R queremos acompañalos neste proceso, achegándolles toda a nosa axuda en solucións, produtos e un servizo de acompañamento de calidade.
Xa sabes se tes calquera consulta sobre a contratación dalgún deste produtos non dubides en contactar con nós pinchando no seguinte botón de máis info.
Lembra que podes seguir a nosas novidades en Twitter, Facebook, Instagram e na nosa canle de Telegram.
Ata a próxima!
gustouche?
A TÚA OPINIÓN IMPORTA
MENÚ
2 min