SIP trunk: mellora as túas comunicacións con R
admin
- 2016-04-14
2 min
Se buscas centralizar as túas comunicacións nunha única sede, conectar as túas centraliñas IP ou mellorar a túa solución empresa, deberías saber máis sobre SIP trunk.
Seguro que algún se está a preguntar que significan eses anglicismos. Vaiamos por partes 😉
As siglas SIP fan alusión a un protocolo (unha serie de regras que definen como se deben comunicar entre si varios sistemas), cuxo obxectivo é permitir sesións multimedia e interactivas (con elementos de vídeo, voz, datos,…) entre usuarios. Mentres que o termo trunk fai referencia a unha liña capaz de transportar moitos sinais ao mesmo tempo e con capacidade para conectar grandes centros de datos.
Se unimos as dúas palabras, podería dicirse que a tecnoloxía SIP trunk permite crear potentes liñas multimedia que combinan voz, vídeo e datos nunha única canle. Liñas de alta capacidade que conseguen conectar sedes e xestionar todas as comunicacións en varias canles simultáneas. Así, non sería necesario dividir fisicamente o tráfico, tendo unha liña para conectarse a internet e outra para falar por teléfono.
Agora que sabes un pouco máis sobre SIP trunk, imos explicar como funciona e como che pode axudar a mellorar as comunicacións do teu negocio.
Se tes unha centraliña IP en cada unha das túas sedes, SIP trunk pode conectalas, a través de internet, a unha infraestrutura de telefonía tradicional cableada (liñas dixitais e analóxicas) para transmitir a voz. Deste xeito, todas as túas sedes estarán comunicadas de extremo a extremo de forma segura.
Ademais, os servizos de SIP trunk de R proporcionan conectividade IP de alta calidade e a garantía de servizo da nosa rede de fibra óptica. Isto permíteche realizar e recibir chamadas a través de internet sen notar diferenza algunha coa rede telefónica tradicional.
Pero as vantaxes de SIP trunk non quedan só niso. Utilizando solucións baseadas en tecnoloxía IP, poderás:
- Aforrar custos: con SIP trunk non é necesario investir en liñas específicas (unha para falar por teléfono e outra para datos). As túas comunicacións viaxan por internet a través dunha única liña de alta calidade.
- Internacionalizar as comunicacións da túa empresa: con SIP trunk podes dispoñer dunha solución global con varias sedes interconectadas entre si.
- Centralizar as túas comunicacións: SIP trunk de R permíteche establecer unha numeración xeográfica asociada. Desta maneira podes centralizar a numeración das chamadas nas sedes principais do cliente. Estes recursos son de grande utilidade porque che permiten xestionar de maneira global e centralizada a telefonía da túa empresa.
Se é que nunca foi tan fácil conectar todas as comunicacións da túa empresa. Se queres máis información ou contratar o servizo, podes escribir un correo electrónico a fala-con-R@mundo-r.net ou chamar gratis ao teléfono 1445.
gustouche?
A TÚA OPINIÓN IMPORTA
MENÚ
2 min