Saca o máximo partido aos datos con BI & Analítica
R
- 2022-03-02
3 min
Nunha sociedade onde a información é poder e o tempo limitado, dispoñer dunha ferramenta de analítica avanzada para que a vosa empresa teña un maior nivel de aproveitamento dos datos repercute directamente na produtividade e na optimización de procesos.
Usos e vantaxes das solucións baseadas en Business Intelligence
A eficacia das solucións baseada en Business Intelligence (BI ou Intelixencia de negocios) está xa probada no sector empresarial. En xeral, podemos dicir que inclúen o conxunto de accións e aplicacións que converten todos os datos dos que dispón a vosa empresa en información valiosa e necesaria. Inclúe, por tanto, a recompilación, a organización, a xestión, a conservación e a visualización de datos.
Habitualmente os datos dunha empresa atópanse dispersos. Dunha banda, hai información en sistemas ERP, CRM, software de relación co cliente… Por outro, adoita estar en formatos e soportes diferentes, físicos ou virtuais, en función dos seus usos, como se xerou, departamento do que procede… Se ademais a vosa empresa conta con varias localizacións físicas, mesmo seica estean repartidos por todas elas.
Así que o primeiro é recompilar toda a información e a partir de aí atopar a mellor maneira de organizala de xeito que todo o persoal teña acceso e atope facilmente o que necesita.
Disto ocúpanse as solucións de Business Intelligence. A súa principal labor é facilitar que teñades un repositorio con todos os datos ordenados e xerar informes co voso histórico de datos. Trátase dunha visión retrospectiva que vos achega datos detallados en base a métricas ou KPIs determinados, cuestionarios ou vixilancias.
Pero, a día de hoxe, requírese ir un paso máis aló e, ademais, analizar o porqué deses datos.
A analítica avanzada, un paso máis aló no aproveitamento dos datos
Business Analytics ou a súa acepción en español, Analítica Empresarial, consiste en levar a cabo unha serie de solucións empresariais para satisfacer as necesidades dun negocio, lograr metas e alcanzar obxectivos. Noutras palabras, a analítica empresarial céntrase en recompilar datos, enriquecelos, xestionalos e analizalos para extraer a información relevante para a toma de decisións dun negocio.
A Analítica Empresarial pode servir de apoio á estratexia dunha empresa xa que, para fundamentar algunhas decisións estratéxicas, estas estarán baseadas na información que a análise de datos nos achegou.
Por tanto, a analítica empresarial permítenos:
- Alcanzar obxectivos empresariais a partir da análise de grandes volumes de datos.
- Detectar tendencias e realizar prognósticos a partir de modelos preditivos.
- Utilizar estes modelos preditivos para optimizar os procesos de negocio.
Unha forma de clasificar a Analítica Empresarial poderían ser estas tres áreas máis ou menos superpostas:
Analítica Descritiva ou Descriptive Analytics. Utiliza os datos para explicar o pasado. Consiste en preparar e analizar datos históricos para identificar patróns e tendencias. Técnicas como modelos de regresión, o modelado de datos e visualización adoitan ser usados na Analítica Descritiva.
Analítica Preditiva ou Predictive Analytics. Utiliza os datos para determinar que pode pasar no futuro. A Analítica Preditiva permite determinar a probabilidade asociada a eventos futuros a partir da análise da información dispoñible (presente e pasada), ademais permite descubrir relacións entre os datos que normalmente non é detectada cunha análise menos sofisticada. Utiliza técnicas como a minería de datos (data mining) e os modelos preditivos.
Analítica Prescritiva ou Prescriptive Analytics. Utiliza os datos para prescribir aquelas accións que incrementen as vosas posibilidades de obter os mellores resultados. A Analítica Prescriptiva determina novas forma de operar que permitan alcanzar os vosos obxectivos de negocio. Técnicas como a optimización ou a simulación son utilizadas, aínda que normalmente se require a creación dun modelo preditivo previo.
Coa analítica empresarial, a toma de decisións de negocios é máis rápida, efectiva e contundente xa que está baseada en información real e de calidade; e, ademais, é capaz de triunfar e adaptarse ao desenvolvemento dunha empresa.
O modelo de Analíticas Ascendentes de Gartner, por exemplo, permítevos ir aplicando a analítica na vosa empresa progresivamente, en función da súa fase de desenvolvemento.
Analíticas Descritivas: Que ocorreu?
Analíticas Diagnósticas: Por que ocorreu?
Analíticas Preditivas: Por que ocorrerá?
Analíticas Prescritivas: Como podemos facer que ocorra?
En definitiva, se queres aproveitar ao máximo o potencial de datos do teu negocio e tomar decisións en tempo real en base a eles, a Analítica Empresarial permíteche dispoñer dun completo abanico de información e así ser quen de anticiparte ao futuro. E o Kit Dixitalofréceche unha boa oportunidade para aplicalo na túa empresa.
Se queres saber máis sobre as nosas solucións tecnolóxicas para empresas, subscríbete ao noso boletín ou contacta con noso equipo da área comercial Empresas.
visualizacións: 550
MENÚ
3 min 
