Compañías líderes en tecnoloxía participan na “II Semana das Tendencias e Infraestruturas TIC”
R
2023-02-22
3 min
Cales son as principais tendencias tecnolóxicas e os retos derivados da dixitalización das vosas empresas? Hai ben pouquiño, entre o 13 e o 17 de febreiro, analizamos estas cuestións durante a “II Semana das TIC”, organizada por R , que se desenvolveu de gratuíta e virtualmente, previa inscrición, a través da plataforma Teams de Microsoft .
En cada xornada unha empresa líder en tecnoloxía a nivel mundial ofreceu a súa visión estratéxica para axudarvos na toma de decisións e poder, desta maneira adiantarvos aos desafíos empresariais máis importantes do momento.
Foron cinco sesións de 30 minutos cada unha, con carácter participativo e exprés, nas que expertos das empresas Fortinet, Aruba, Microsoft, Red Hat e Commvault compartiron as principais tendencias TIC que marcan os novos tempos e puxeron sobre a mesa diferentes solucións para os retos derivados dos procesos de dixitalización das empresas.
Fortinet, a integración da seguridade do cloud co posto de traballo
A primeira das sesións correu a cargo de Fortinet e versou sobre a integración da seguridade do cloud co posto de traballo.
Cristian Bermejo Richart, Channel Account Manager de Fortinet , explicou como estender a seguridade dende o perímetro cara a LAN/WLAN e conseguir unha visibilidade global, de principio a fin, de todos os activos conectados.
Tamén esbozou como xestionar a postura de seguridade dos vosos endpoints dentro e fóra da organización e aplicar mecanismos de protección avanzada, mediante un sistema de detección e resposta a incidentes baseado en machine learning , ademais das opcións de seguridade dos servizos cloud .
Pulsa aquí se queres volver ver o vídeo da ponencia “Integración da seguridade do cloud co posto de traballo” .
VIDEO
Aruba, presente e futuro da conectividade
A segunda sesión foi impartida por Iratxe Macías , Territory Account Manager de Aruba , quen reflexionou sobre o presente e o futuro da tecnoloxía e a conectividade nas empresas. Porque o presente e o futuro das empresas está agora máis condicionado que nunca pola axilidade para adoptar novas capacidades e procesos, apoiándose nunha correcta aposta tecnolóxica e nas posibilidades de resiliencia.
Pulsa aquí se queres volver ver o vídeo da ponencia “Presente e futuro da tecnoloxía e a conectividade nas empresas” .
VIDEO
Microsoft, novas ferramentas na securización do posto de traballo
A terceira sesión correu a cargo de Manuel García González, Cloud Solution Architect Security de Microsoft , quen compartiu co auditorio información sobre as novas ferramentas na securización do posto de traballo de Microsoft . Na súa intervención relatou como obter a mellor seguridade de Microsoft 365 con administración avanzada de seguridade e de dispositivos.
Un paquete fácil de usar e rendible que vos axudará a protexer a vosa empresa contra as ciberameazas, incluídas o malware e o ransomware .
Pulsa aquí se queres volver ver o vídeo da ponencia “Novas ferramentas na securización do posto de traballo” .
VIDEO
Red Hat, novo paradigma no desenvolvemento de aplicacións
A penúltima sesión, con Mario Mendoza Sánchez, Principal Solution Architect e Account Solution Architects Team Lead da empresa Red Hat , centrouse nos microservizos e no novo paradigma do desenvolvemento de aplicacións.
Oiriades falar da arquitectura de microservizos pero entendela e implementala pode ser un gran desafío.
Red Hat ofrece solucións probadas, eficaces e impulsadas pola comunidade para calquera etapa do proceso de adopción dos microservizos na que vos atopedes.
Pulsa aquí se queres volver ver o vídeo do relatorio “Microservizos: Novo paradigma do desenvolvemento de aplicacións” .
VIDEO
Commvault, estratexia moderna para a xestión dos datos
A última das sesións foi impartida pola Senior Sales Engineer de Commvault Sandra Espinoza , que se centrou en abordar as claves dunha estratexia moderna na xestión dos datos.
A día de hoxe, o dato é o activo estratéxico con máis valor nas compañías. Neste contexto, unha aproximación moderna para a adopción da nube, sen esquecer a seguridade e a protección contra “malos actores”, convértese en vital para calquera empresa, independentemente do sector no que desenvolva o seu negocio.
Pulsa aquí se queres volver ver o vídeo da ponencia “Estratexia moderna da xestión dos datos” .
VIDEO
A través de actividades como esta “II Semana das Tendencias e Infraestruturas TIC”, en R seguimos acompañándovos ás empresas nos vosos procesos de dixitalización para optimizar a competitividade en calquera escenario do mundo.
Para acompañarvos neste camiño, R teceu unha rede de alianzas coas principais empresas referentes no ámbito de cada actividade.
Coa intención de seguir a carón de vós neste percorrido, R teceu unha rede de alianzas coas principais empresas referentes de cada ámbido de actividade. Un camiño no que a colaboración é tan indispensable como gratificante. Grazas a este traballo conxunto, podemos ofrecervos un valor engadido coas solucións máis adecuadas e innovadoras e dar con produtos e servizos complementarios e diferenciais . O obxectivo é axuntar esforzos e ofrecervos as tecnoloxías máis avanzadas grazas ás alianzas que vos benefician e vos ofrecen a solución máis adaptada a cada caso.
Se queres saber máis sobre as nosas solucións tecnolóxicas para empresas , subscríbete ao noso boletín ou contacta co teu asesor persoal ou co noso equipo da área comercial empresas a través do seguinte formulario.
visualizacións: 166
MENÚ
3 min 
